الندالة فعل فاعل
بقلم الشاعر/ محمد صيام
مكتب محافظة البحر الأحمر
الندالة فعل فاعل
الندالة
فعل فاعل
ولا وصف
وأصل حالة
تبقي صاحبي
واعرفك مذ كنت بحبي
والطفولة
والكهولة
بس تتغير لندل
استحالة
يبقي أنا اللي
كنت ساذج
أو عبيط
واللي كنت بشوفه منك
لما شغلت الشريط
كان إشتغاله
كنت علي نياتي خالص
واللي يسأل مره عنك
كنت أقول ياما قواله
كنت أقول دا أعز صاحب
كنت أقول عليك ده أخويا
وإبن عم وإبن خاله
عمري متصورت مره
أبقي جوه وتبقي بره
كنت اغلي مني نفسي
بس أصبح يوم وأمسي
ألتقيك بعت القضية
واللي كان منك في عمري
لاشفته ولا مره هشوفه
ولا أجدعها تمثليه
تنسي إني كنت صاحبك
واني كنت شارب غلاوتك
للنخاع حتي الثمالة
هي دي تبقي الندالة
………..
#من_ديوان_حبة_كلام
#محمد_صيام
………..
